Coronavirus Hello Tune: ಹಲೋಟ್ಯೂನ್ ಮೂಲಕ ಜಾಗೃತಿ

ಕೊರೊನಾ ವೈರಸ್ ಮುಂಜಾಗ್ರತಾ/ ರಕ್ಷಣೆ ಕುರಿತಾಗಿ ಔಷಧಿಗಳನ್ನು ಸರ್ಚ್ ಮತ್ತು ಖರೀದಿಸಬೇಡಿ. ಕೊರೊನಾ ತಡೆಗಟ್ಟುವ ಕುರಿತು ಯಾವುದೇ ಔಷಧ ಬಹಿರಂಗವಾಗಿ ತಿಳಿದುಬಂದಿಲ್ಲ. ಕೊರೊನಾ ವೈರಸ್ ಕುರಿತು ಯಾವುದೇ ಆಫಿಷಿಯಲ್ ಟೆಸ್ಟ್‌ ಕಿಟ್ ಇಲ್ಲ.

HelloTune

ಕೊರೊನಾ ವೈರಸ್ ಪ್ರಕರಣಗಳು ದೇಶದಲ್ಲೂ ವರದಿಯಾಗಿವೆ. ವಿದೇಶದಿಂದ ವಿಮಾನ ಮತ್ತು ಹಡಗುಗಳ ಮೂಲಕ ದೇಶ ಪ್ರವೇಶಿಸುವ ನಾಗರಿಕರನ್ನು ಪರೀಕ್ಷೆಗೆ ಒಳಪಡಿಸಲಾಗುತ್ತಿದೆ. ಆರೋಗ್ಯ ಸಚಿವಾಲಯ ಕೂಡ ವಿವಿಧ ಜಾಗೃತಿ ಕಾರ್ಯಕ್ರಮಗಳ ಮೂಲಕ ಜನರಲ್ಲಿ ಅರಿವು ಮೂಡಿಸುತ್ತಿದೆ. ಅದರ ಜತೆಗೆ ಟೆಲಿಕಾಂ ಇಲಾಖೆ ಕೂಡ ಕೈಜೋಡಿಸಿದ್ದು, ಕೊರೊನಾ ವಿರುದ್ಧ ಹೋರಾಡಲು ಸಜ್ಜಾಗಿದೆ.
ಹೀಗಾಗಿ ಬಿಎಸ್‌ಎನ್‌ಎಲ್ ಮತ್ತು ರಿಲಯನ್ಸ್ ಜಿಯೋ ಚಂದಾದಾರರಿಗೆ ಕರೆ ಮಾಡಿದಾಗ ಕೊರೊನಾ ವೈರಸ್ ಜಾಗೃತಿ ಕುರಿತ ಹಲೋಟ್ಯೂನ್ ಕೇಳಿಬರುತ್ತಿದೆ. ಈ ಮೊದಲು ಇದ್ದ ಹಲೋಟ್ಯೂನ್ ಬದಲು, ಕೆಮ್ಮಿನ ಸದ್ದಿನೊಂದಿಗೆ ಆರಂಭವಾಗುವ ಹಲೋಟ್ಯೂನ್, ನಂತರದಲ್ಲಿ ಕೊರೊನಾ ವೈರಸ್ ಜಾಗೃತಿ ಸಂದೇಶ ಬಿತ್ತರವಾಗುತ್ತದೆ. ಅದಾದ ಬಳಿಕ ನಿಮ್ಮ ಕರೆ ಸ್ವೀಕರಿಸಲ್ಪಡುತ್ತದೆ.

ಕೊರೊನಾ ಕುರಿತು ಜನರು ಭೀತಿಗೊಳಗಾಗುವ ಅಗತ್ಯವಿಲ್ಲ. ರೋಗಲಕ್ಷಣ ಕಂಡುಬಂದರೆ ಕೂಡಲೇ ವೈದ್ಯರನ್ನು ಕಾಣಬಹುದು ಮತ್ತು ಸೂಕ್ತ ಚಿಕಿತ್ಸೆ ಪಡೆಯಬಹುದು. ಹೀಗಾಗಿ ಟೆಲಿಕಾಂ ಮೂಲಕವೂ ಹಲೋ ಟ್ಯೂನ್ ಮಾದರಿಯಲ್ಲಿ ಜನರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ.

Corona Virus: ಇಂಟರ್‌ನೆಟ್ ಮೂಲಕ ಹರಡುತ್ತಿದೆ ವೈರಸ್!

ಪ್ರಸ್ತುತ ಇಂಗ್ಲಿಷ್ ಮತ್ತು ಹಿಂದಿಯಲ್ಲಿ ಮಾತ್ರ ಈ ಸಂದೇಶ ಬಿತ್ತರವಾಗುತ್ತಿದೆ. ಆದರೆ ಕನ್ನಡ ಸಹಿತ ಪ್ರಾದೇಶಿಕ ಭಾ‍ಷೆಯಲ್ಲೂ ಸಂದೇಶ ಪ್ರಕಟಿಸಿದರೆ ಉತ್ತಮ ಎಂಬ ಅಭಿಪ್ರಾಯ ಜನರಲ್ಲಿದೆ.

Post a Comment

0 Comments