Delete for Everyone: ವಾಟ್ಸಪ್ ಮೆಸೇಜ್ ಡಿಲೀಟ್‌ ಮಾಡಿದ್ರೂ ಓದಬಹುದು!


ವಾಟ್ಸಪ್‌ ಡಿಲೀಟ್ ಫಾರ್ ಎವರಿವನ್ ಆಯ್ಕೆಯನ್ನು ನೀವು ಗಮನಿಸಿರುತ್ತೀರಿ. ಕೆಲವೊಂದು ಸಂದರ್ಭದಲ್ಲಿ ತಪ್ಪಾದ ವ್ಯಕ್ತಿಗೆ ಅಥವಾ ತಪ್ಪಾದ ಗ್ರೂಪ್‌ನಲ್ಲಿ ಮೆಸೇಜ್ ಕಳುಹಿಸಿ ಮುಜುಗರ ಉಂಟಾಗಿದ್ದರೆ, ಅದರಿಂದ ಪಾರಾಗಲು ವಾಟ್ಸಪ್ ಚಾಟ್‌ನ ಡಿಲೀಟ್ ಫಾರ್ ಎವರಿವನ್ ಆಯ್ಕೆ ನೆರವಾಗುತ್ತದೆ. ವಾಟ್ಸಪ್‌ನ ಬಹುಮುಖ್ಯ ಆಯ್ಕೆಗಳಲ್ಲಿ ಇದು ಕೂಡ ಒಂದು. ಕಳುಹಿಸಿದ ಮೆಸೇಜ್ ಡಿಲೀಟ್ ಆದ ಬಳಿಕ ದಿಸ್ ಮೆಸೇಜ್ ವಾಸ್ ಡಿಲೀಟೆಡ್ ಎಂಬ ಸಂದೇಶ ಬರುತ್ತದೆ. ಅಂದರೆ ನೀವು ಕಳುಹಿಸಿದ ಮೆಸೇಜ್ ಅನ್ನು ಡಿಲೀಟ್ ಮಾಡಲಾಯಿತು ಎಂದರ್ಥ. ಆದರೆ ವಾಟ್ಸಪ್‌ನ ಈ ಬಹೂಪಯೋಗಿ ಫೀಚರ್ ಬಳಸುವ ಮುನ್ನ ಅದರಲ್ಲಿನ ಕೆಲವೊಂದು ಸಾಧ್ಯತೆಗಳ ಬಗ್ಗೆ ತಿಳಿದುಕೊಳ್ಳಿ


ಅಪ್‌ಡೇಟೆಡ್ ಆವೃತ್ತಿ ಇರಲಿ..


ವಾಟ್ಸಪ್ ಮೆಸೇಜ್ ಡಿಲೀಟ್ ಆಯ್ಕೆ ಬಳಸಬೇಕಾದರೆ ನಿಮ್ಮಲ್ಲಿ ಅಪ್‌ಡೇಟೆಡ್ ವಾಟ್ಸಪ್ ಆವೃತ್ತಿ ಇರುವುದು ಮುಖ್ಯ. ಜತೆಗೆ ಯಾರಿಗೆ ಮೆಸೇಜ್ ಕಳುಹಿಸುವಿರೋ, ಅವರಲ್ಲೂ ಅಪ್‌ಡೇಟೆಡ್ ಆವೃತ್ತಿ ಇರಬೇಕು. ಹಾಗಿದ್ದಾಗ ಮಾತ್ರ ವಾಟ್ಸಪ್ ಡಿಲೀಟ್ ಫಾರ್ ಆಲ್ ಆಯ್ಕೆ ಸಮರ್ಪಕವಾಗಿ ಕೆಲಸ ಮಾಡುತ್ತದೆ.

ಐಫೋನ್‌ ಆಯ್ಕೆ ಭಿನ್ನ!


ನೀವು ವಾಟ್ಸಪ್ ಮೆಸೇಜ್ ಡಿಲೀಟ್ ಮಾಡಿರುತ್ತೀರಿ. ಆದರೆ ನೀವು ಮೆಸೇಜ್ ಕಳುಹಿಸಿದ ವ್ಯಕ್ತಿ ಐಫೋನ್ ಬಳಸುತ್ತಿದ್ದು, ಅದರಲ್ಲಿ ಮೆಸೇಜ್ ಅಥವಾ ವಿಡಿಯೋ ಕಳುಹಿಸಿದ್ದರೆ, ಅದು ಸೇವ್ ಆಗಿರುತ್ತದೆ. ಚಾಟ್ ಡಿಲೀಟ್ ಆದರೂ, ಗ್ಯಾಲರಿಯಲ್ಲಿ ಫೋಟೋ ಅಥವಾ ವಿಡಿಯೋ ಉಳಿದುಕೊಳ್ಳುತ್ತದೆ. ಆದರೆ ಆಂಡ್ರಾಯ್ಡ್ ಫೋನ್‌ನಲ್ಲಾದರೆ ವಾಟ್ಸಪ್ ಚಾಟ್ ಜತೆಗೇ ಗ್ಯಾಲರಿಯಲ್ಲಿನ ಫೋಟೋ ಮತ್ತು ವಿಡಿಯೋ ಕೂಡ ಡಿಲೀಟ್ ಆಗಿರುತ್ತದೆ.

ಡಿಲೀಟ್ ಮಾಡಿದ ಮೆಸೇಜ್ ಓದಲು ಸಾಧ್ಯ


ವಾಟ್ಸಪ್‌ನಲ್ಲಿ ಡಿಲೀಟ್ ಮಾಡಲಾದ ಮೆಸೇಜ್‌ಗಳನ್ನು ಕೂಡ ಓದಲು ವಿವಿಧ ತಂತ್ರಗಳಿವೆ. ಥರ್ಡ್ ಪಾರ್ಟಿ ಆ್ಯಪ್‌ ಬಳಸಿ, ಡಿಲೀಟ್ ಮಾಡಲಾದ ಮೆಸೇಜ್ ಓದಲು ಆಯ್ಕೆಗಳಿವೆ. ಅಲ್ಲದೆ ನೀವು ಡಿಲೀಟ್ ಮಾಡುವುದಕ್ಕೂ ಮೊದಲೇ ಅವರು ಓದಿರಬಹುದು. ಹಾಗಿರುವಾಗ ಎಲ್ಲ ಸಂದರ್ಭದಲ್ಲೂ ಡಿಲೀಟ್ ಮೆಸೇಜ್ ಪರಿಣಾಮಕಾರಿಯಾಗಿ ಕೆಲಸ ಮಾಡಿದೆ ಎನ್ನಲಾಗದು.

ನೋಟಿಫಿಕೇಶನ್ ಬರುವುದಿಲ್ಲ!


ಮೆಸೇಜ್ ಡಿಲೀಟ್ ಮಾಡಿರುತ್ತೀರಿ. ಆದರೆ ಅದು ಯಶಸ್ವಿಯಾಯಿತು ಎಂದು ಅಥವಾ ಕಳುಹಿಸಿದ ವ್ಯಕ್ತಿ ನೋಡುವುದಕ್ಕೂ ಮೊದಲೇ ಮೆಸೇಜ್ ಡಿಲೀಟ್ ಆಯಿತು ಎಂದು ದೃಢಪಡಿಸಲು ನೋಟಿಫಿಕೇಶನ್ ಬರುವುದಿಲ್ಲ. ಹೀಗಾಗಿ ಡಿಲೀಟ್ ಮೆಸೇಜ್ ಆಯ್ಕೆ ಬಳಸುವುದಕ್ಕೂ ಮೊದಲು ಎಚ್ಚರಿಕೆಯಿಂದ ಇರುವುದು ಒಳಿತು.

Post a Comment

0 Comments